ناوه‌ڕۆك
زیانەکانی تاتۆکردنی برۆ چییە؟
ئەگەر چی تاتۆکردنی برۆ جوانی دەبەخشێت بە ڕووخساری خانمان بەڵام کۆمەڵێک زیانی زۆری هەیە کە خانمان بێئاگان هەر بۆیە خانمان دەبێت ئاشنابن بە زیانەکانی و تا دەتوانن لێی دورکەونەوە.
کێشەی ڕووکەشی تاتۆکە
بڵاوترین جۆری کێشە و زیان بریتییە لە ڕووکەشی تاتۆکە، وەک کاڵبوونەوەی ڕەنگەکەی یان تێکچوونی ڕەنگەکەی و بوون بە پەڵە و یاخود دەکرێت شکڵی کێشانی برۆکە زۆر لاربێت یاخود بەو شێوەیە نەبێت کە کەسەکە داوای کردووە.
کاڵبوونەوەی تاتۆکە
ئەگەر چی ناودەبرێت بە تاتۆی هەمیشەیی و بەڵام لەڕاستیدا بەم شێوەیە نییە، چونکە ئەو ماددانەی کە بەکارهاتوون لە تاتۆکەدا دوایی یەک یان سێ ساڵی کە کاڵ دەبنەوە و ناشرین دەبن بەهۆی (ئاو، ئاگر، خۆر، پیربوون و چرچبوونی ڕوخسار) و ئەو کارانەی کە ڕۆژانە دەیکەیت دەبێتە هۆی کاڵبوونەوەی تاتۆکە و ڕەنگێکی ناشرینی پێ دەبەخشێت.
گواستنەوەی پیسی لەڕێگەی ئەو ئامێرانەی کە تاتۆکەی پێ دەکرێت
ئاگاداربە زۆر جار بەهۆی پیسی ئامێرەکەوە یان ئەوەی کە بۆ چەند کەسێکی تریان بەکارهێناوە و پاکنەکراوەتەوە بەجوانی، دەبێتە هۆی هەوکردن و سووتانەوە و سووربوونەوە و ئەگەر ئەمانەش چارەسەر نەکرێن شتی خراپتری بەدوادا دێت.
پێنەکەوتنی تاتۆکە
زۆر جار شوێنەکە و ئامێرەکانیش پاکن و کێشەت بۆ دروست ناکات بەڵام ئاو ئامێرانە بە ڕووخسار و پێست ناگونجێن و دەبنە هۆی هەوکردن.
دروستبوونی هەستیاری بە ڕەنگی تاتۆکە
بەکارهێنانی ڕەنگەکان دەبێتە هۆی هەستیاری کە نیشانەکانی هەوکردن و سووتان و ئاوسانی شوێنی تاتۆکەیە، بەتایبەت ڕەنگەکانی (سپی و ڕەش و سوور)
مەترسی شێرپەنجە
زۆر جار ئەم ئامێر و ڕەنگانە دەبنە هۆی ئەوەی کە خانەکان بەشێوەیەکی هەڕەمەکی زیاد بکەن و کەسەکە تووشی شێرپەنجە ببێت.
کێشەی لابردنی تاتۆکە
زۆر جار کەسەکە تاتۆکەی بەدڵ نییە و دەیەوێت لایببات بەڵام ئەمە هەر ئاوا ئاسان نییە و بەدەگمەن لادەچێت، لەیزەر و بەکارهێنانی جۆرەها ماددەی کیمیایی و هەندێک جاریش نەشتەرگەریی ئەمانە هەموو ڕێگان بۆ لابردن و پاککردنەوەی تاتۆکە کە هەموویان مەەرسیدارن و دواتریش تاتۆکە ئەگەر کاڵ ببێتەوە شوێنەواری خۆی بەجێ دەهێڵێت و شوێنەکەی ناشرین دەبێت و زۆر جاریش دەبێتە هۆی ئازاری زۆر و هەوکردن.